قبل ما تشتري أي لاب توب مستعمل, فيه كذا حاجة لازم تعملها عشان تتأكد إن الجهاز كويس و مافيهوش أي مشاكل.
1- هتبدأ بالحاجات السهلة اللي مبتخودش وقت زي الكيبورد و ديه يستحسن إنك متستخدمش فيها أي برنامج, كل اللي عليك إنك تفتح ملف وورد و تجرب عليه كل زرار شغال ولا لأ و تتأكد إن كل الزراير راكبة كويس في مكانها و مش بتحتاج ضغطة قوية عشان تكتب
2- بعد كدة هتجرب كل مداخل و مخارج الجهاز زي ال usb و ال VGA و ال DVD و أي مدخل غيرهم
3- لو الجهاز فيه كاميرا, هتنزل أي برنامج ليها من الرابط دة
و تتأكد إنها شغالة
4- بالنسبة للشاشة فلازم تتأكد إن مافيهاش أي بقع بيضاء أو أي نقط سودة من خلال إنك تدخل عالموقع دة
و تدوس start test و تقعد تتنقل ما بين الألوان لحد ما تتأكد إن الشاشة مافيهاش مشاكل
5- لو الجهاز فيه كارت شاشة AMD أو Nvidia فكل اللي عليك إنك تنزل برنامج FurMark اللي في الرابط دة :
و تختار الجودة على حسب قوة الكارت بتاعك و بعد كدة تدوس burn in - test و سيب البرنامج شغال من 15 ل 20 دقيقة. لو الشاشة معملتش أي رعشة أو الجهاز موقفش مرة واحدة أو مفصلش خالص يبقى كدة كارت الشاشة سليم و مافيهوش مشاكل
و تقدر تتأكد من البروسيسور بنفس البرنامج, بس المرة دي دوس على cpu burner و إفتح ال task manager و إتأكد إن البروسيسور مستهلك 100% و إن الجهاز معملش أي مشكلة من اللي ذكرناها في كارت الشاشة
6- بالنسبة للهارد فبلاش برنامج HD Sentinal لأن بعض التجار بيلعبو فيه و بيخلوا الهارد كأنو جديد. الأفضل إنك تنزل البرنامج اللي في الرابط دة
و بعد ما تشغله دوس على Error Scan و دوس Start. لو البرنامج جاب أي نقطة حمراء يبقى كدة الهارد فيه مشاكل و لازم تغيره.
أتمنى يكون البوست دة أفادكوا 😃😃
و لو أي حد عنده أي مشكلة في اللاب بتاعه يكتبها في الكومنتات و أنا بإذن الله هحاول أساعده.
ليست هناك تعليقات:
إرسال تعليق